台灣大葉大學工業設計學生曾經親眼目睹路宿者喺垃圾桶搵食物，眼前嘅一幕深深咁印記喺佢哋嘅腦海裡，亦激發咗佢哋設計「友善垃圾桶」嘅諗頭。
「友善垃圾桶」上設有平台，可以放置一啲未食完嘅食物，既唔會影響大眾掉垃圾，同時又利用垃圾桶上空置嘅平台。而為咗避免露宿者食到變壞嘅食物，平台上配有智慧感應裝置，可以偵測到食物幾時放入，並根據氣溫去推算保存時間，當時限一到就會啟動機關，將已經變壞嘅食物直接掉入垃圾桶。
小編認為呢項咁有意義嘅設計無疑會解決咗食物浪費嘅問題，但係同時亦都反映咗社會上有好多人都經常得唔到溫飽，呢個問題係好值得我們去正視以及關懷，亦希望每個地方嘅政府都可以關懷社會上弱勢嘅一群！
#RoadShow #路訊網 #友善垃圾桶 #小編希望有日呢個世界唔會再有露宿者 #人人都可以得到溫飽
Search